車事短評:最後的快樂聖誕

在這普天同慶的日子,又唔係世界末日,何解今次題目如斯悲情?其實盧蘇只係想提提大家兩件事︰

第一,是油公司現行的「大優惠」只是有效至今年底,趁還有幾天,快快約埋朋友去遊車河去也!盧某截稿前暫未收到風之後會有更勁優惠,大家千萬不要近月慣了平$1.7,導致之後一段日子無心機入油。心理上以為入了貴油,只因油站牌價根本沒有減過。過去幾個月,筆者部分車主朋友其實駕車多了,汽油消費反而增加了。我相信油公司應該已經有足夠數據,計劃一下這些優惠應否延續。

第二,針對想買新車的朋友,最好趁年尾聖誕前各大車行尚有現貨優惠時,就要趕快行動了。盧蘇已經從不同的渠道,打聽到多個歐日韓系車款下年的新價單,幾乎全線上升,個別升幅更達一成以上!在當今貨幣大勢底下,進口車不加價根本等於減價。如果唔想之後買貴車或後悔無買平貨,就放膽去買吧,否則可能要買多枝鎚仔返屋企!(想想鎚仔可以點用?呵呵)

祝大家聖誕快樂,新年進步!

盧蘇

其他人感興趣的新聞:

相關類新聞: 本地新聞 聖誕節 車事短評
視像新聞
» 更多
車街搜奇
客戶車盤推介