車事短評:醉駕局長 別要難為亞 Sir


盧某生活在香港地數十載,若然不是錯覺,恐怕今年是本人經歷有史以來政府最不堪的一年,甚麼不堪入目、不堪一擊甚至某某如何不堪等等。我們尊貴的局長「謬波局長」,真係衰完一鑊又一鑊,先來劏房,又來醉駕,離譜到極!在這幅網上設計圖片中,相信作者包含了多種訊息,不過當中有位亞 Sir 抄牌既造型。盧某想,如果醉駕單料不是被傳媒揭發,而係俾亞 Sir 捉個正著,佢會唔會擺官威凶亞 Sir 呢。今次事件好可能影響深遠,因為如果波叔你今次咁都可以當無事,亞 Sir 以後都可能難以執法!事關每當亞 Sir 捉人醉駕,市民就會引用「謬波局長」事例,辯稱一個逗幾十萬月薪既政府高官知識分子,俾全世界影住醉駕都可以知法犯法,如果亞 Sir 唔拉波叔,就唔好拉一班升斗市民醉駕啦。

所謂上樑不止下樑歪,盧某敬告波叔,請你有種就去警局自首然後落台,否則任你面皮有幾公里厚,都唔可能敵得過全香港奉公守法市民及執法者的責備!

盧蘇
Car1.hk《車事短評》專欄作者
(以上純屬作者個人言論及創作,並無科學根據,亦不代表本公司立場。)

(圖片來源:網上圖片)

其他人感興趣的新聞:

相關類新聞: 本地新聞 盧蘇 車事短評
視像新聞
» 更多
車街搜奇
客戶車盤推介