車事短評:中國模式國民教育的現眼報


今次新一波的反日示威,又一次向全世界「示範」強國人的素質。盧某都是日本車用家,見到那些反日者,以打砸同胞擁有的日本車就當係反日?真係「巧京京」!盧某唔係驚自己部車會被暴徒破壞,而且驚緊,咁既行為算是甚麼的「愛國」?中國人難道自清末到現在,仍然停留在同一弱智水平來對外抗爭?到底是否顯示著一直以來,國民素質都沒有隨國家的經濟力量成長過?其情況好似改大左馬力,但制動卻配合不上,睇下幾時炒?

請相信任何對孩子教育,其實都是一種洗腦,只差別在以甚麼內容及模式去實行而已。好多愛國愛黨人士,仍堅信學內地一套對小朋友實施國民教育並無問題。盧某就當你無知,或者無法預知實行洗腦教育的後果吧,但係內地的民眾不就是吃國民教育的奶粉成長的嗎?不妨睇清楚,看一下中國模式底下教育出來的國民吧!既然都無人睇得清楚國民教育的前路,唔該特府剎車停一停吧,到真係車毀人亡既時候,就不要怪周圍無人「砵」過你啦。

盧蘇

Car1.hk《車事短評》專欄作者
(以上純屬作者個人言論及創作,並無科學根據,亦不代表本公司立場。)

其他人感興趣的新聞:

視像新聞
» 更多
車街搜奇
客戶車盤推介