車事短評:迎新歲龍年發大財


上期 2012 年「車界大預測」,都收到一些私下友好找我反映一下意見。其實明眼人睇真 D ,都係搞笑成份居多,倒是停車熄匙就係真既。盧蘇有朋友做汽車隔熱貼生意,唔係盧某話自己係生神仙,我肯定佢今年起應該盤滿砵滿,真係要預早同佢「恭喜發財」!

新既一年,都係有人睇好有人睇淡。儘管有行家覺得盧蘇係「大好友」角色,但個市又確實無必要睇得咁淡!上年名貴的歐洲汽車賣個滿堂紅,完全當政府上年加汽車首次登記稅無到!有新車就有服務,而且替換舊車的市場亦會連動,部分二手車盤都有隨市場升值的現象,就連個別長青既日本老車型號,再次實現不老的傳說,竟連劏車價都大升五成之多!

盧某估計易手車生意今年應該有所作為,我都趁熱鬧將平時工人買餸既錢七舊車都放埋上網賣,不消幾天已經完成交易,可見市場需求甚殷。值得一提的是老編推介盧某試用本網的「二手買賣」專區(tradings.car1.hk),介面易用而且為用家度身訂做,認真抵讚!

盧蘇在此,敬祝全港車迷今年龍來福到,新春快樂,恭喜發財!

盧蘇
Car1.hk《車事短評》專欄作者

(以上純屬作者個人言論及創作,並無科學根據,亦不代表本公司立場。)

其他人感興趣的新聞:

相關類新聞: 本地新聞 盧蘇 車事短評
視像新聞
» 更多
車街搜奇
客戶車盤推介