車事短評:老虎都唔好賣車


十月尾都未到,萬聖節已經提早到臨,君不見金融市場中,的確鬼影處處,仲會失驚無神嚇你一驚,小則驚呼狂叫,重則吐血身亡。汽車從來都不是投資品,故此理應不受金股匯直接影響,反而屬於消費品的汽車,受實體經濟周期上落影響較大。自美國 QE1 QE2 以來,連不問世情的順嫂都知通脹係乜野既時候,呢次通脹就是認真的。

點解盧蘇在大標題講「老虎都唔好賣車住」?原因有三:第一,大市氣氛唔好,賣資產俾人壓價的情況較易出現;第二,預期油價會在未來半年持續下調,盧某估計電油牌價重回十二三蚊的機會是不俗的;第三,有沒發現二手車的價錢異常硬淨,甚至向上調升?汽車作為要計算折舊的資產,就算是沒有跌價,即是上年賣五萬,到今年仲係賣五萬,已經算是一種升值。換言之,很有可能賣車之後,轉過頭未必可以買到理想價錢的替代品。盧某認為除非有必要放車後轉買 0 首新車,否則都係 keep 住手上既車,到年尾再打算吧。

盧蘇

其他人感興趣的新聞:

相關類新聞: 本地新聞 盧蘇 車事短評
視像新聞
» 更多
車街搜奇
客戶車盤推介