車事短評:金融地震之車友物語


早前暫別讀者一輪未有供稿,盧某深感抱歉。早在兩個星期前同個炒外匯既車友吹水,車友已經預料今個星期隨時覺都唔敢訓,結果不幸言中,而且事情仲有下文。由於「錶佬」將「米國」主權信貸評級下降到 AA+ ,再一輪股債匯調整可以預期,雖然今日所見尾市略見反彈,但係之後一兩星期係點,問黃大仙都未必知道。

今次 so call「金融地震」會震到幾多級恕難預測,最弊係地震過後不久,失驚無神又會有強力餘震先慘,因為評級機構唔只一間,你降下佢又降下,真係有排佢地玩!車友仲話,莫講話佢手上既恆指期貨,可能出現的波及範圍,隨時令佢手上的一籃子投資都有壓力,本來仲叫我盧蘇一齊同佢睇下有無車位好炒,怕且都要 hold 一 hold 先。

車友又呻,本來早兩個月仲想換番部「賓屎」過下手癮,依家乜都唔好搞住啦。不過出出入入,車總要渣,不如趁周末快趣去車房保養下 check 下部愛車,玩下手換車唔成,舊車仲要渣多一排,keep 好手頭上既車好過啦!雖然盧蘇不嬲都主張身邊朋友買新車,不過車友之言亦不無道理。盧某唯有祝佢好運,化險為宜。

盧蘇

其他人感興趣的新聞:

視像新聞
» 更多
車街搜奇
客戶車盤推介