P 牌達人:隱形戰車資料網上大公開?!


最近網上流傳一張疑似是隱形戰車資料的圖片,有齊品牌、車身顏色和車牌號碼,究竟資料是真是假?無人知。但筆者認為各位得閒的話,個腦又夠 RAM,記低亦無妨,要知道唔係架架隱形戰車都安守本份,專捉非法車輛,如果有上各大討論區或者聽朋友親身經歷,都知某部份隱形戰車鐘意跟車好貼,唔知係有意或無意,不斷地推車,迫前車加速,想你超速犯法,若無留心後車的狀況,大意起來真係好難防避這種「賤車」。當然亦不得不讚最近打擊非法賽車十分積極,希望呀 Sir 們都繼續保持這種嚴厲打擊非法份子的態度。

另外,據聞隱形戰車的車牌其實都是沒有登記,所以網上流傳的圖片所指既車牌號碼唔可以完全信晒。當被後車推時,覺得有可疑就要小心,先睇是否福士、富豪或寶馬,再望望後車司機是否穿著軍裝,如果環境太黑睇唔清楚,就留意有無反光。若果覺得真係遇到「賤車」的話,大家就醒醒定定,一係就繼續保持合法車速行駛;一係就減速車速,令佢地唔耐煩,加速走人。不過,希望各位都可以做一個安全而又合法的駕駛者。


以上是網友拍攝到隱形戰車執勤影片。

(以上純屬作者個人言論及創作,並無科學根據,亦不代表本公司立場。)

其他人感興趣的新聞:

相關類新聞: P牌達人 本地新聞
視像新聞
» 更多
車街搜奇
客戶車盤推介