車手專欄:一個不能轉的彎!出現一部不可能出現的香港電影!


首先瘋見車人事先聲明,我唔係收左錢賣廣告又或者唔係有什麼著數。以下既電影我免費飛都無張,都係諗住自己入場買飛睇。
(所以下文個電影名隻字不提)

講一講,車人最喜愛的香港飛車電影歷史啦。


霹靂火
最正其實係開頭係日本三菱廠鑊形賽道成龍大哥坐係一部三菱 Fuso 巴士入面試極速,仲有好多經典九十年代跑車,RX7 FD、R32 GTR、GTO 等等。而家睇番好好睇,因為當時無禁多電腦特技好真實。

極速傳說
之後就當然是’頭搖又尾擺,飄移境界…’,一部更道地更寫實的地下飛車手電影,電單車再加房車係街道飛車場面時令觀眾代入感更重。當其時伊健的三菱 EVO 更紅極一時,不少MR都換上 EVO 包圍湊湊熱鬧。車人那時迷上了 EVO 同 WRX。


頭文字 D
車人覺得是最成功的,用上漫畫橋段再加上超級巨星周杰倫,黃秋生,陳冠希,余文樂再加上一位我真係唔識欣賞的日本美少女,三地合力炮製的巨片,一隻你唔係好識但係而家好後悔無買的股票,編號 AE86 一夜成名,股價漲了不知幾多倍!

好可惜呢幾年科技發達更易下載分享電影的世代,香港呢個豆腐潤咁細既市場又比外國更易得到翻版媒體地方,拍飛車電影簡直係倒錢落海的投資。所以近幾年香港真正飛車電影已絕跡。如果拍個時唔用真車又會比人話唔夠真實,唔撞車唔爆炸又話無效果,個 cost 比拍部賺人熱淚的愛情小品簡直差天共地。仲有飛車封路拍攝要好多批文及申請,諸多限制。

至近日瘋見車人聽到”八千轉,兩咪車!
其實佢係指用尾轆車八千轉令後輪打滑用左腳剎車控制車輛以時速 2km/hr 飄移令車尾轉彎!導演同特技人員一定係瘋左,諗到一條咁既橋段,將不可能的變有可能!仲有裏面既飛車、特技片段都以真實為主,絕不無中生有。

一套咁有 heart,咁有堅持既電影,如果我地唔入去戲院拿住爆谷棒下場,我好肯定講一句佢會係最後一套。鐘意車既你,只需花一百幾十蚊就能支持呢班熱愛汽車的台前幕後工作人員的心血結晶以及能夠支持謹有的本地電影產業,何樂而不為!

文:瘋見車人

以上內容只反映嘉賓之個人意見,與本網站立場無關。

其他人感興趣的新聞:

相關類新聞: 本地新聞 車手專欄
視像新聞
» 更多
車街搜奇
客戶車盤推介