中國平安呈獻《熱浪球愛戰》首映會 娜姐、Jeana、傅穎、Jessica C 齊齊撐場


由中國平安保險呈獻的《熱浪球愛戰》日前舉行首映禮,一眾演員包括:周秀娜、傅穎、Jessica C、羅仲謙、林子善、Hazel、Mia、Bro5、Da Da Lo、A Lin、Jeana、林雪、羅莽、楊盼盼、余安安等等。活動上4位主角周秀娜、傅穎、Jessica C 及羅仲謙更大談拍攝《熱浪球愛戰》的點滴。


故事講述 Sharon(周秀娜) 和 Rachel(傳穎) 自小就在海天一色的貝浪灣長大,熱衷沙灘排球的她們閒時跟舅夫(羅莽)學功夫;有錢人布家住在沙灘的另一處,一場小風波Sharon、Rachel等人與布家女 Natalie(Jessica C)、Natasha(周鳳凰) 一場發生衝突,最後由布太(余安安) 出面解決,不過衝突亦令布家子 Tim(羅仲謙) 與 Sharon 發生美麗邂逅。


當布家準備收回貝沙灣,受到村民激烈反對,Tim 亦因此為了 Sharon 反出布家,經談判後,相方決定參加沙灘排球公開賽,勝者為王。經過地獄式訓練,Rachel 和 Sharon 實力大增,順利進入決賽與 Natalie 和 Natasha 決一勝負,但決賽前夕,Natasha 弄傷了 Sharon 的腰部,究竟最後結果如何?就留待大家入場揭曉。


小記都有份去睇首映,睇後第一感覺是「波餅橫飛」!相信入場睇《熱浪球愛戰》斷估都唔係為左睇排球技術瓜?正如林子善 (阿水) 在電影中話齋「D 女有 D『波路』喎」,大家入場都是為睇偶像,娜姐、Jessica C、Jeana 等『好波之人』更加是賣點添啦。至於點解「波餅橫飛」?咪就係娜姐、Jessica C、傳穎和 周鳳凰4位美女打決賽,輪住食波餅,仲要慢鏡睇住D肉好似水紋咁散開,聽講佢地為左拍哩幕戲仲搞到塊面腫晒,真係大犧牲。

嗚謝:中國平安

其他人感興趣的新聞:

相關類新聞: 客戶資訊 時尚數碼
視像新聞
» 更多
車街搜奇
客戶車盤推介