2025 F1 Silverstone 英國站上演一場風雨交加、高潮迭起的大戰！最終，Scuderia Ferrari HP 兩位車手成績兩極：Lewis Hamilton 在主場力戰奪得第4名，Charles Leclerc 則苦戰至第14。
比賽一開始，部分車手，包括Leclerc在內，選擇於暖胎圈後即入Pit，換上Medium胎，由維修區起步，賭博搏乾地奇襲。不過，第2圈即出現Virtual Safety Car，因Liam Lawson撞車後賽車停滯賽道。
第11圈雨勢急轉直下，Hamilton選擇再換Intermediate，Leclerc亦由Medium胎換回Inters，Safety Car隨即進場，全場一片混亂。賽道積水嚴重，能見度低，賽車不斷打滑，場面驚險。
隨住比賽後段賽道漸乾，仍然未到適合用乾胎的時機，過早換Slicks的車手接連衝出賽道。最後階段，Hamilton極力追趕第3位的Nico Hulkenberg，可惜未能拉近距離。
Lewis Hamilton #44
「今日成績並非我們期望，但團隊正在進步，我同賽車亦愈來愈合拍。第三名一度好似有機會，但Hulkenberg表現穩定，值得祝賀。Silverstone永遠帶來精彩比賽，加上變幻莫測天氣，更加刺激。多謝現場所有車迷，返到主場比賽真係特別。」
Charles Leclerc #16
「今場真係由頭辛苦到尾。回想起嚟，起步即換乾胎的確係錯誤，但老實講，今日我哋速度根本就唔夠。我最近幾場比賽一直用極端設定，乾地效果唔錯，但今日呢種天氣就完全失效。我哋要努力提升，亦恭喜Hulkenberg，佢真係值得呢個頒獎台。」
車隊領隊 Fred Vasseur
「今日對所有人嚟講，真係一場混亂大戰，對觀眾而言應該睇得過癮。天氣不斷變，想踩中換胎節奏極困難。再加上多次Safety Car，完全難以預測比賽發展。
Charles早段換乾胎雖然冒險，但如果情況不同，可能係正確選擇。雖然McLaren明顯快過我哋，但我哋仍然比Mercedes同Red Bull搶多分，算係正面結果。今站我哋速度比季初好得多，Q3表現亦有明顯進步。下場比賽去到Spa，我哋必須再提升，目標係全程做到零失誤。最後，再次恭喜Hulkenberg，佢絕對值得呢個歷史性頒獎台。」
