車事短評:通貨膨脹令怨聲載道


盧某出外公幹一輪,回來又再發牢騷。我睇都唔係錯覺,社會上的怨氣指數又再次回升,鬍鬚仔之前派既六千銀都唔慌明智得去邊,只好祝佢好運。盧某我都唔係想做牢騷王,只不過係將身邊見到既所見所感講番出黎。之前話加汽車首次登記稅,已經令唔少老友失左預算;燃油價格加快減慢已經係阿茂都知既現實,係唔係想到油價廿幾蚊一升無哂 causal drivers 政府先安樂?仲有通貨膨脹最低工資呢樣個樣,未來一年一定仲有野你煩!

應對通脹本應有好多方法,但作為普羅市民小車主,除左搵多幾個錢養車同 Cut cost 唔渣車之外,看來都沒有幾多選擇。大家都係唔好指望呢個特衰政府可以做些甚麼!有好多德政,唔係不能為,只係不為!依家一班為政者一定唔係傻仔,反而仲好叻仔添,君不見一個二個高級官員都有好工排住隊等住佢地返?同時間都唔好當市民係傻仔先得架!你精我都唔笨啊!無官商勾結地產霸權係呃人既,管得交通費又唔可以管油價,只係吸煙有害難道飲酒好有益?

要是呢個社會真係可以有手有腳肯做野就可以安居樂業,仲邊有人上街抗議叫口號?社會上好多事情唔係話想改變就改變,但係盧某相信如果明知有不良現象亦由得佢發酵,都最後的惡果就要所有人一起承受,無人可以置身事外。有機會的話盧蘇都想問問移民中介公司,97年之後搞移民的狀況是怎麼樣的。

盧蘇

(文章屬作者個人意見,與本網立場無關)

其他人感興趣的新聞:

相關類新聞: 本地新聞 盧蘇 車事短評
視像新聞
» 更多
車街搜奇
客戶車盤推介