車事短評:善用派錢資源 加強慈善受惠


近日看新聞,相信唔少香港人同盧蘇一樣都係眼火爆。一份派錢都要被人喊打的財政預算案,天下間應該無幾多個人做得出,真係香港乜人都有。好啦,當「鬍鬚曾」見到老闆「煲呔曾」尋日被人窩左心口一鎚,仲唔做野?就算唔想咁早公布既派錢消息,都擒擒青 call 哂班「friend」扮開會然後一齊宣布啦。

錢都係要派架啦,爭在派得叻唔叻而已。盧蘇本人對派 6,000元真係無乜意見,事關養車咁貴油價又高,對一班車主幫助好有限,不如撤回增加的汽車首次登記稅好過。仲有 6,000元同當年「梳打埠」派既銀碼仲有多少距離,不過派錢對我地特區政府都叫第一次,6,000元好歹都同最低工資差不多,算啦。

反而盧某想建議政府在派錢同時,可以開多一個捐款 Option 出來,事關總有一班人未必咁需要個六千大洋,不如就可以讓獲放款人士,有權即時將 6,000元捐出予慈善組織或食物銀行,將錢送出關愛一下更加有需要既人,情形有如馬會都會向中六合彩人士勸捐一樣,俾人揀部分捐錢。如此做法,既不失派錢時公平,有錢人又可以有得揀捐番出去做下善事,就可以更有效運用資源啦!大拿拿駛幾百億喎,政府都唔識博下掌聲咪好笨!

盧蘇

其他人感興趣的新聞:

相關類新聞: 本地新聞 盧蘇 車事短評
視像新聞
» 更多
車街搜奇
客戶車盤推介