車手專欄:Toyota 86 已失去 AE86 精髓


AE86 呢部車家傅戶曉,無人唔識!多得頭文字 D 呢套戲令佢咸魚番生,亦搞到識滕原拓海(周杰倫飾演)既人多過識土屋圭士,認真厲害。亦令唔小人士中招以誤以為 AE86 快過 GTR,唔小人揸完都喊三聲。好多人都問點解要搵部 AE86 做主角,明明部車一 D 都唔快。

好多人睇頭文字 D(動畫版)只係睇到表面劇情忽略左好多野。其實佢內藏好多玄機!


-1st stage 第 23 集文太同土屋講電話(請留意 2 分 58 秒- 4 分 20 秒)


-留意個車籠內裝係天窗版但係出面睇就無
(傳聞土屋當年自己架 AE86 係天窗版但為加硬車架索性把它焊死!)
-副 AE101 20V TRD Group A 機器係土屋流出來俾文太

點解同土屋有關係?
拓海其實係土屋的一個縮影,土屋小時侯經常開着 AE86 幫經營電子零件店的爸爸送貨,他開着 AE86 每天跑山路周圍送貨,不知不覺被孕育成一個技術非凡的國際知名車手。


頭文字 D 好假嗎?脫離現實嗎?

並不是!土屋全程監督頭文字 D 製作為確保真實性,就連膠布 death match,亦經真實測試過!

你地一定會問?噤 AE86 可以快過 Skyline GTR 嗎?絕對可以!因為勝負決定因素有 1/3 在於車手技術。你無技術,比部拉利,林寶你一樣會輸!(瘋見車人十幾年前試過用原裝 AE86 係賽道上蠃過保時捷 944,近年亦試過係山路贏過一部 DC5)


AE86 的重點是,它會教導同非常嚴謹訓練它的車手。130 匹馬力,車頭麥花臣式(Mac Pherson),車尾活軸懸吊(live axle)。
重點係車尾既懸掛設計係貨車式!過灣極限其低,易失控,臨界控制線性極差,重要無風油車太!用黎代步已經辛苦,可況用黎跑山路甚至玩飄移!如果你揸得掂 AE86,揸其它車一定快!所以頭文字 D 出現其實係希望多 D 人接觸呢部車,多D人能提昇同鍛鍊技術!唔好忘記拓海都唔係打天才波,佢係揸左秋明山幾年日日揸先咁快,如果當飛行里數計隨時換到張還遊世界的機票!

(保守估計:秋明山頂到豆腐店大約 11.1 公里;來回 22 公里;365 日走 8030 公里;3 年 24,000 公里)


所以如果無頭文字D,就肯定無 Toyota 86!但係 Toyota 86 卻毫無繼承這重要使命,訓練操控佢既人。佢而家擁有既係 200 匹大機器,更用上水平 4 汽缸設計令其重心大大降低增加過灣性能。車尾雙搖臂式懸掛令車尾極限大大提高!部車操控定過枱油,揸 Toyota 86 既人根本得唔到 AE86 呢本無人知既車手九陰真經!真可惜!

因為節目調動關係,原先《車手專欄:買車時從來無人理呢 Part!(二)》將於下回推出。

文:瘋見車人

以上內容只反映嘉賓之個人意見,與本網站立場無關。

其他人感興趣的新聞:

相關類新聞: 本地新聞 車手專欄
視像新聞
» 更多
車街搜奇
客戶車盤推介