必睇!醒目改裝小貼士


時下不少車主會改裝汽車凸顯個性。改裝涉及不少學問,特別係關乎到汽車保險的時候。我地找來快而保的專業保險代理同大家分享當中嘅小貼士,醒目嘅你當然唔應該錯過。

改裝車輛合法嗎?
合法,除非唔合法!你肯定覺得小編講緊廢話。一齊睇下香港法例點講,《道路交通條例》第53條:「任何人不得更改或致使或允許他人更改任何汽車或拖車,以致該車輛的狀況令該車輛在道路上使用時,會違反本條例有關其構造、重量、裝備、制動器、駕駛盤或車胎方面的任何條文。」。簡單黎講就係,改裝完違反咗道路交通條例的話,咁就係非法改裝。但如果改裝完車輛仍然符合條例的規定,咁就係合法。

點知改裝內容是否合法?
香港道路交通條例眾多,要知道改裝行為是否合法莫非要逐條睇?好彩運輸署製作咗數份文件供車主參考,以下兩份更加係必睇!

1.「該做與不該做」清單。任何有計劃為車輛進行改裝的人士,應首先閱讀這份清單。文件羅列改動車輛各部位時應該和不應該做的事情。

2.「需予通知的改動指引」。根據指引某些改裝工程須事先通知運輸署。改裝前記得睇埋這份指引。

改裝車輛受保障嗎?
警方跟保險公司無可能喺改裝完成後立即便得到消息。但唔好因而胡亂改裝,因為「紙係包唔住火」的。無論喺任何情況下,非法改裝嘅車輛都唔會得到保障同賠償。合法改裝的車輛是否受保,就要視乎保險公司嘅條款及你所購買嘅計劃而定。

就簽訂保單前己經完成嘅改動,大部份保險公司都會要求你提供改裝清單,並視乎風險決定是否會為改裝零件提供保障。

如果你已經購有汽車保險,而希望為汽車進行改裝,緊記聯絡保險公司。只要係合法改裝,大部份保險公司都會更新保單附加條款。由於風險有變,保費都會有所上調。

意外賠償點樣計?
賠償嘅前提係,保險公司要事先得知你投保前或者投保後完成嘅改動。

此外,賠償金額會以原裝零件價錢為依歸。即使你安裝過萬元的音響,索償時保險公司仍只會以原裝零件價值作出評估及理賠。

想為合法改裝的車輛尋找合適的保險計劃?請即跟快而保嘅專家聯絡,以獲取更多專業意見。

更多視像內容請即進入 Car1.hk 視像頻道。

更多視像內容請即進入 Instagram 圖片集頻道。

想第一時間收到 Car1.hk 的最新情報?立即加入我們的 Facebook 吧!

其他人感興趣的新聞:

視像新聞
» 更多
客戶車盤推介