【影片】新創車廠「Alpha」發表復古電動車「Ace」


碳排放規格越來越嚴格,各國又話禁售燃油車,Tesla、Nio 及小鵬等電動車廠股價炒到飛天,仲有恆大汽車,連車影都未有,廣告就已經賣到全香港人都知,全球都講緊電動車,依家只要你敢加入成為電動車一份子就好似唔驚無市場,例如 2020 年 11 月才成立的美國新創電動車廠 Alpha Motor Corporation,成立 2 個月都未夠就推出首款電動車「Ace」,仲話未來幾個月還會推出房車、suv 及貨車等不同車款,嘩,推出新車速度快過火箭,咁多間百年歷史傳統車廠應該要檢討點解出一部電動車要搞咁耐啦。

故勿論究竟 Alpha Motor Corporation 是吹水,還是真有實力以火箭速度推出新車,但首款電動車「Ace」的復古味外觀造型就值得一讚,雙圓頭燈,厚實下巴、誇張輪拱及四四方方輪廓,十分有 60、70 年代味道,比現時鬥科幻鬥未來的車身設計手法更吸引目光。至於車廂設計,就如同 Tesla Model 3,一塊超大型觸控螢幕加上平底方向盤的按鍵和旋鈕就搞掂所有功能。性能數據暫時仲未公佈,只公佈了 2 秒完成 0-96km/h 加速,續航距離為 402 公里。

文:Issac.C

其他人感興趣的新聞:

視像新聞
» 更多
客戶車盤推介